Sunday, 5 November 2023
കേരളപ്പിറവി വിപുലമായി ആഘോഷിച്ചു
സ്ഥാപനത്തിൽ കേരളപ്പിറവി വിപുലമായി ആഘോഷിച്ചു. പ്രിൻസിപ്പൽ സൗമിനി മോഹൻ ഉദ്ഘാടനം ചെയ്തു. തുടർന്ന് വിവിധ പരിപാടികൾ അരങ്ങേറി...
Friday, 27 October 2023
പ്രായോഗിക പരീക്ഷ ബോർഡ് സന്ദർശനം
സ്ഥാപനത്തിൽ D.El.Ed. അധ്യാപക വിദ്യാർത്ഥികൾക്കായുള്ള പ്രായോഗിക പരീക്ഷ ബോർഡ് 26/10/2023 ന് സന്ദർശനം നടത്തി.
Saturday, 21 October 2023
ശാസ്ത്ര ശില്പശാല നടത്തി
D.El.Ed. 2022-24 ബാച്ച് അദ്ധ്യാപക വിദ്യാർത്ഥികൾക്കായുള്ള ശാസ്ത്ര ശില്പശാല 21/10/2023 ന് നടത്തി
സാമൂഹ്യ ശാസ്ത്ര ശിൽപ്പശാല നടത്തി
D.El.Ed. 2022-24 മാച്ച് അധ്യാപക വിദ്യാർത്ഥികൾക്കായുള്ള സാമൂഹ്യ ശാസ്ത്ര ശിൽപ്പശാല 20/10/2023 ന് നടത്തി.
ഇംഗ്ലീഷ് മലയാളം ശില്പശാലകൾ നടത്തി
D.El.Ed. 2022 - 24 ബാച്ച് അധ്യാപക വിദ്യാർത്ഥികൾക്കായുള്ള ഇംഗ്ലീഷ്, മലയാളം ശില്പശാലകൾ 19/10/2023 ന് നടത്തി.
Wednesday, 4 October 2023
ഗാന്ധി ജയന്തി ആഘോഷിച്ചു
സ്ഥാപനത്തിൽ ഗാന്ധിജയന്തി വിപുലമായി ആചരിച്ചു. രാവിലെ പ്രാർത്ഥനയോടെ തുടങ്ങിയ ഗാന്ധിജയന്തി പരിപാടികൾ പ്രിൻസിപ്പൽ സൗമിനി മോഹൻ ഉദ്ഘാടനം ചെയ്തു. തുടർന്ന് അധ്യാപക വിദ്യാർത്ഥികളുടെ വിവിധ പരിപാടികൾ ഉണ്ടായിരുന്നു. ഗാന്ധിജയന്തിയോട് അനുബന്ധിച്ചുള്ള ഡ്രൈ ഡേ ദിനാചരണത്തിൻ്റെ ഭാഗമായി വിദ്യാലയ ശുചീകരണ പ്രവർത്തനങ്ങളും നടത്തി
Tuesday, 12 September 2023
പ്രായോഗിക പരീക്ഷ ബോർഡ് അഭിമുഖം സന്ദർശനം നടത്തി
സ്ഥാപനത്തിൽ D.El.Ed. 2021-2023 ബാച്ച് വിദ്യാർത്ഥികളെ വിലയിരുത്തുന്നതിനായി പ്രായോഗിക പരീക്ഷ ബോർഡ് സന്ദർശനം നടത്തി.
പ്രായോഗിക പരീക്ഷ ബോർഡ് അഭിമുഖം നടത്തുകയും അധ്യാപക വിദ്യാർത്ഥികളുടെ ക്ലാസുകൾ നിരീക്ഷിക്കുകയും ചെയ്തു.
Friday, 1 September 2023
ശാസ്ത്ര വിഷയവുമായി ബന്ധപ്പെട്ടുള്ള പഠനയാത്ര നടത്തി
2022-2024 ബാച്ച് അധ്യാപക വിദ്യാർത്ഥികളുടെ ആദ്യത്തെ പഠനയാത്ര
ശാസ്ത്ര വിഷയവുമായി ബന്ധപ്പെട്ട് തൃശ്ശൂരിലെ വിജ്ഞാൻ സാഗറിലേക്ക് നടത്തി. സെപറ്റംബർ രണ്ടാം തിയതി രാവിലെ 9 മണിക്ക് കോളേജിൽ നിന്ന് ആരംഭിച്ചശാസ്ത്രവുമായി ബന്ധപ്പെട്ട ആദ്യത്തെ ക്ലാസ്സ് വളരെ വിജ്ഞാന പ്രധാനമായിരുന്നു. ശാസ്ത്രത്തിൻ്റെ അടിസ്ഥാനപരമായ ധാരണങ്ങൾ വളരെ വ്യക്തമായി മനസ്സിലാക്കി തരുന്ന ഈ ക്ലാസ്സ് മറന്നു പോയ ശാസ്ത്ര ധാരണകൾ ഓർമ്മിച്ചെടുക്കാൻ സഹായിച്ചു.
തുടർന്ന് ഐ. എസ്. ആർ. ഒ. യുടെ ബഹിരാകാശ ദൗത്യങ്ങളെയും പലതരം ബഹിരാകാശ വാഹനങ്ങളേയും കുറിച്ച് വിശദമായി മനസ്സിലാക്കിത്തന്ന 'ഐ. എസ്. ആർ. ഒ. സ്പേസ് പവലിയൻ', അവിടെ കാണിച്ചുതന്ന ഡോക്യുമെൻററി,
ആകാശ ഗോളങ്ങളെയും നക്ഷത്രങ്ങളെയും തുടങ്ങി ബഹിരാകാശത്തുള്ള ഇതുവരെയുള്ള എല്ലാ കണ്ടുപിടിത്തങ്ങളെയും വളരെ ലളിതമായി മനസ്സിലാക്കാൻ സഹായിക്കുന്ന 'സ്പേസ് എക്സ്പ്ലോറിയം'
ശാസ്ത്ര ആശയങ്ങളെയും പ്രതിഭാസങ്ങളെയും എളുപ്പത്തിൽ മനസ്സിലാക്കാനായി അവിടെ സജ്ജീകരിച്ചിട്ടുള്ള ശാസ്ത്ര പരീക്ഷണങ്ങൾ തുടങ്ങിയവ അധ്യാപക വിദ്യാർത്ഥികൾക്ക് വളരെയധികം ആവേശം പകർന്നു. അധ്യാപക വിദ്യാർത്ഥികളിലെ ശാസ്ത്രീയ മനോഭാവം ഊട്ടിയുറപ്പിക്കാൻ ഈ യാത്ര വളരെയധികം പ്രയോജനം ചെയ്തു. ശാസ്ത്രീയ മനോഭാവമുള്ള ഒരു സമൂഹത്തെ വാർത്തെടുക്കാൻ വിജ്ഞാൻ സാഗറിന് വലിയൊരു പങ്കുതന്നെ വഹിക്കാൻ സാധിക്കും എന്ന് അവിടെ ചെന്നപ്പോൾ മനസ്സിലായി. 3.30 PM ന് അവിടെ നിന്ന് ഇറങ്ങുമ്പോൾ പരീക്ഷണങ്ങൾ ചെയ്തു നോക്കി മതി വരാതെ മനസ്സില്ലാ മനസ്സോടെ യാണ് അധ്യാപക വിദ്യാർത്ഥികൾ വിജ്ഞാൻ സാഗറിനോട് വിട പറഞ്ഞത്. വൈകുന്നേരം 5.10 PM ന് കോളേജിൽ തിരിച്ചെത്തി.
Friday, 25 August 2023
Monday, 5 June 2023
ലോക പരിസ്ഥിതി ദിനാചരണം
ലോക പരിസ്ഥിതി ദിനാചരണത്തിന്റെ ഭാഗമായി നടത്തിയ പരിസ്ഥിതി ശുചിത്വ സന്ദേശ മനുഷ്യ ചങ്ങല
Friday, 14 April 2023
സാമൂഹ്യ സമ്പർക്ക സഹവാസ ക്യാമ്പ് നടത്തി
15 ദിവസത്തെ സാമൂഹ്യ സമ്പർക്ക സഹവാസ ക്യാമ്പ് നടത്തി. ചാവക്കാട് ജില്ലാ വിദ്യാഭ്യാസ ഓഫീസർ ശ്രീമതി അജിതകുമാരി യാണ് ക്യാമ്പ് ഉദ്ഘാടനം ചെയ്തത്. ഈ ക്യാമ്പിലൂടെ ഡി. എൽ. എഡ്. 2021-23 വർഷ അധ്യാപക വിദ്യാർത്ഥികളുടെ കഴിവുകൾ വളർത്തിയെടുക്കാനും, സമൂഹത്തിലെ പ്രശ്നങ്ങൾ തിരിച്ചറിഞ്ഞ് അവയോടൊപ്പം പരിഹാരപ്രവർത്തനങ്ങളിൽ ഏർപ്പെടാനുള്ള മനോഭാവം വളർത്താനും, കലാ-കായിക സർഗശേഷികൾ പരിപോഷിപ്പിക്കാനും, അതിലുപരി നല്ല അധ്യാപികക്ക് /അധ്യാപകന് വേണ്ട കഴിവുകൾ വളർത്താനും സാധിച്ചു. സ്ഥാപനത്തിലെ 47 അധ്യാപക വിദ്യാർത്ഥികളും ക്യാമ്പിൽ പങ്കെടുത്തു.
Wednesday, 8 March 2023
പരിസര പഠന ശില്പശാല നടത്തി
2022 - 24 ബാച്ച് അധ്യാപക വിദ്യാർത്ഥികൾക്കായുള്ള മലയാളം ശില്പശാല 2023 മാർച്ച് എട്ടാം തിയതി നടത്തി. സ്ഥാപനത്തിലെ അധ്യാപക പരിശീലകരായ നിവേദും അശ്വിനിയും ശില്പശാലയ്ക്ക് നേതൃത്വം കൊടുത്തു. രാവിലെ 9.30ന് തുടങ്ങിയ ശില്പശാല വൈകിട്ട് നാലുമണിയോടുകൂടിയാണ് അവസാനിച്ചത്. ശില്പശാലയിൽ അധ്യാപക വിദ്യാർത്ഥികൾ പലതരം ചാർട്ടുകളും ചാർട്ടുകളും, പരിസര പഠന പാഠഭാഗങ്ങളുമായി ബന്ധപ്പെട്ട വിവിധതരം ഉൽപ്പന്നങ്ങളും നിർമ്മിച്ചു.
Tuesday, 7 March 2023
മലയാള ശിൽപ്പശാല നടത്തി
2022 - 24 ബാച്ച് അധ്യാപക വിദ്യാർത്ഥികൾക്കായുള്ള മലയാളം ശില്പശാല 2023 മാർച്ച് ഏഴാം തീയതി നടത്തി. റിസോഴ്സ് പേഴ്സണായ സൗമ്യ യോടൊപ്പം
സ്ഥാപനത്തിലെ അധ്യാപക പരിശീലകയായ മീരയും ശില്പശാലയ്ക്ക് നേതൃത്വം കൊടുത്തു. രാവിലെ 9.30ന് തുടങ്ങിയ ശില്പശാല വൈകിട്ട് നാലുമണിയോടുകൂടിയാണ് അവസാനിച്ചത്. ശില്പശാലയിൽ അധ്യാപക വിദ്യാർത്ഥികൾ പലതരം മലയാളം ചാർട്ടുകളും, മലയാളം പാഠഭാഗങ്ങളുമായി ബന്ധപ്പെട്ട വിവിധതരം ഉൽപ്പന്നങ്ങളും നിർമ്മിച്ചു.
Monday, 6 March 2023
ചീര വിളവെടുപ്പ്
സ്ഥാപനത്തിൽ കൃഷി ചെയ്ത ചീരയുടെ വിളവെടുപ്പ് മാർച്ച് 6 ന് നടന്നു. അധ്യാപക വിദ്യാർത്ഥികളും, അധ്യാപക പരിശീലകരും സ്ഥാപനത്തിലെ മറ്റ് അംഗങ്ങളും ചേർന്നാണ് വിളവെടുപ്പ് നടത്തിയത്. ചുവന്ന ചീര ഇനത്തിൽപ്പെട്ട കൃഷ്ണശ്രീ ആണ് സ്ഥാപനത്തിലെ കൃഷി തോട്ടത്തിൽ നട്ടിരുന്നത്.
കല വിദ്യാഭ്യാസ ശില്പശാല നടത്തി
2022 - 24 ബാച്ച് അധ്യാപക വിദ്യാർത്ഥികൾക്കായുള്ള കല വിദ്യാഭ്യാസ ശില്പശാല 2023 മാർച്ച് ആറാം തീയതി നടത്തി. സ്ഥാപനത്തിലെ അധ്യാപക പരിശീലകയായ മീര ശില്പശാലയ്ക്ക് നേതൃത്വം കൊടുത്തു. രാവിലെ 9.30ന് തുടങ്ങിയ ശില്പശാല വൈകിട്ട് നാലുമണിയോടുകൂടിയാണ് അവസാനിച്ചത്. ശില്പശാലയിൽ അധ്യാപക വിദ്യാർത്ഥികൾ കല വിദ്യാഭ്യാസത്തിന്റെ എല്ലാ മേഖലകളിലും ഉൾപ്പെട്ട വിവിധതരം ഉൽപ്പന്നങ്ങൾ നിർമ്മിച്ചു.
Friday, 3 March 2023
മരച്ചീനി /കൊള്ളി വിളവെടുപ്പ്
MOITE യിൽ കൃഷി ചെയ്ത മരച്ചീനി/കൊള്ളി വിളവെടുപ്പ് തുടരുന്നു... മരച്ചീനി മലയാളികളുടെ പ്രിയപ്പെട്ട ഒരു കിഴങ്ങുവർഗ്ഗമാണ്. പല പ്രദേശങ്ങളിൽ മരച്ചീനി. കപ്പക്കിഴങ്ങ്, പൂളക്കിഴങ്ങ്, ചീനി, കപ്പ എന്നിങ്ങനെ വിവിധ പേരുകളിൽ അറിയപ്പെടുന്നു. ശ്രീവിജയ ഇനത്തിൽപ്പെട്ട മരച്ചീനി ആണ് നട്ടിരുന്നത്. കമ്പുകൾ നട്ട് അഞ്ചുമാസത്തോളമായ മരച്ചീനി ഫെബ്രുവരി പകുതി മുതൽ വിളവെടുപ്പ് തുടങ്ങിയിരുന്നു.
പ്രവൃത്തിവിദ്യാഭ്യാസ ശിൽപ്പശാല നടത്തി
2022 - 24 ബാച്ച് അധ്യാപക വിദ്യാർത്ഥികൾക്കായുള്ള പ്രവൃത്തി വിദ്യാഭ്യാസ ശില്പശാല 2023 മാർച്ച് മുന്നാം തീയതി നടത്തി. സ്ഥാപനത്തിലെ അധ്യാപക പരിശീലകയായ ബിൻ്റു ശില്പശാലയ്ക്ക് നേതൃത്വം കൊടുത്തു. രാവിലെ 9 30ന് തുടങ്ങിയ ശില്പശാല വൈകിട്ട് നാലുമണിയോടുകൂടിയാണ് അവസാനിച്ചത്. ശില്പശാലയിൽ അധ്യാപക വിദ്യാർത്ഥികൾ പ്രവൃത്തി വിദ്യാഭ്യാസത്തിന്റെ 7 മേഖലകളിലും ഉൾപ്പെട്ട വിവിധതരം ഉൽപ്പന്നങ്ങൾ നിർമ്മിച്ചു.
Thursday, 2 March 2023
ഗണിത ശില്പശാല നടത്തി
2022 - 24 ബാച്ച് അധ്യാപക വിദ്യാർത്ഥികൾക്കായുള്ള ഗണിത ശില്പശാല 2023 മാർച്ച് രണ്ടാം തീയതി നടത്തി. സ്ഥാപനത്തിലെ അധ്യാപക പരിശീലകയായ ബിൻ്റു ശില്പശാലയ്ക്ക് നേതൃത്വം കൊടുത്തു. രാവിലെ 9 30ന് തുടങ്ങിയ ശില്പശാല വൈകിട്ട് നാലുമണിയോടുകൂടിയാണ് അവസാനിച്ചത്.
Wednesday, 1 March 2023
ചാർട്ട് ശില്പശാല നടത്തി
ഒന്നാംവർഷ അധ്യാപക വിദ്യാർത്ഥികൾക്കായുള്ള ഇംഗ്ലീഷ് ചാർട്ട് എഴുത്ത് ശില്പശാല 2023 മാർച്ച് ഒന്നാം തീയതി നടത്തി. രാവിലെ 10.20ന് വർക്ക് ഷോപ്പ് ആരംഭിച്ചു. സ്ഥാപനത്തിലെ അധ്യാപക പരിശീലകരായ റെമി, നിവേദ് എന്നിവർ ശില്പശാലയ്ക്ക് നേതൃത്വം കൊടുത്തു. ശില്പശാലയിൽ അധ്യാപക വിദ്യാർത്ഥികൾ പലതരം ചാർട്ടുകൾ നിർമ്മിച്ചു. 4 മണിയോടുകൂടി ശില്പശാല അവസാനിച്ചു.
Thursday, 2 February 2023
ICT പ്രായോഗിക പരീക്ഷ നടത്തി
ICT പ്രായോഗിക പരീക്ഷ സ്ഥാപനത്തിൽ 28 ജനുവരി 2023 ന് നടത്തി. തയ്യാറെടുപ്പുകൾ എല്ലാം ജനുവരി 27 ന് തന്നെ പൂർത്തിയായിരുന്നു. ജനുവരി 28 ന് 9.45 AM ന് തുടങ്ങിയ പരീക്ഷയിൽ സ്ഥാപനത്തിലെ മുഴുവൻ അധ്യാപക വിദ്യാർത്ഥികളും നല്ല രീതിയിലുള്ള പ്രകടനം കാഴ്ച വച്ചു.
Saturday, 21 January 2023
ജൈവവള നിർമ്മാണ കേന്ദ്രം സന്ദർശിച്ചു
Mar Osthatheos ITE ലെ D.El.Ed. 2022-2024 ബാച്ച് അധ്യാപക വിദ്യാർത്ഥികൾ പാഠ്യപദ്ധതിയുടെ ഭാഗമായുള്ള തൊഴിൽശാല സന്ദർശനം നടത്തി. കുന്നംകുളം നഗരസഭയുടെ കീഴിൽ പ്രവർത്തിക്കുന്ന ഗ്രീൻ പാർക്ക് ആണ് സന്ദർശിച്ചത്. പാലക്കാട് ഇന്റഗ്രേറ്റഡ് റൂറൽ ടെക്നോളജി സെന്റർ (IRTC) യുടെ സാങ്കേതിക സഹായത്തോടെ കുറുക്കൻ പാറയിൽ പ്രവർത്തിക്കുന്ന ഈ സ്ഥാപനത്തിൽ മാലിന്യം ജൈവ വളമാക്കുന്ന രീതിയും, പ്ലാസ്റ്റിക്ക് മാലിന്യങ്ങൾ വേർതിരിച്ച് സംസ്കരിക്കുന്ന രീതിയും, ചകിരിയിൽ നിന്ന് ചകിരിച്ചോറും മറ്റ് വളത്തിനാവശ്യമായ അസംസ്കൃത വസ്തുക്കളും നിർമ്മിക്കുന്ന രീതിയും, കുന്നംകുളത്ത് വിജയകരമായി നടത്തികൊണ്ടിരിക്കുന്ന ഹരിത കർമ്മ സേനയുടെ പ്രവർത്തനരീതിയും നേരിട്ട് കണ്ടു മനസ്സിലാക്കാനും, തൊഴിൽ ശാലയിൽ ഉള്ള തൊഴിലാളികളിൽ നിന്നും സംശയനിവാരണം നടത്താനും സാധിച്ചു. സ്ഥാപനത്തിലെ എല്ലാ അധ്യാപക വിദ്യാർത്ഥികൾക്കും ഇതൊരു വളരെ നല്ല അനുഭവമായിരുന്നു. അധ്യാപക പരിശീലകരായ ജിൻസി, ബിൻ്റു, സൗമ്യ എന്നിവർ അധ്യാപക വിദ്യാർത്ഥികളെ അനുഗമിച്ചു. ഈയൊരു ദിവസം സമൂഹത്തിലെ ഒഴിച്ചുകൂടാനാവാത്ത ഒരു തൊഴിൽ വിഭാഗത്തെയും അതിലെ തൊഴിലാളികളെയും മനസ്സിലാക്കാൻ സാധിച്ചത് കൊണ്ട്, ഒരു തൊഴിലും ചെറുതല്ല എന്നും, എല്ലാ തൊഴിലിനും സമൂഹത്തിൽ തുല്യ സ്ഥാനം ഉണ്ടെന്നും, എല്ലാ തൊഴിലാളികളും സമൂഹത്തിന്റെ ആദരവിന് അർഹരാണെന്നും ഉള്ള വലിയൊരു സന്ദേശം അധ്യാപക വിദ്യാർത്ഥികളിൽ വളരെ ആഴത്തിൽ എത്തിച്ചേർന്നിരിക്കുന്നു. ഈയൊരു ദിവസത്തെ തൊഴിൽ സന്ദർശനത്തിനു ശേഷം ഓരോ തൊഴിലാളികളോടും നന്ദി പറഞ്ഞു ഞങ്ങൾ അവിടെ നിന്ന് വിടവാങ്ങി.
Subscribe to:
Posts (Atom)