പഠനയാത്ര നടത്തി

Mar Osthatheos ITE യിലെ ഡി.എല്‍.എഡ്. 2021 - 2023 ബാച്ചിന്‍റെ പഠനയാത്ര നടത്തി. മൈസൂർ, കൂർഗ് എന്നീ സ്ഥലങ്ങളിലായി മൂന്ന് ദിവസം ഉള്ള യാത്രയാണ് നടത്തിയത്. 2022 ഡിസംബര്‍ 28 ന് ആരംഭിച്ച യാത്ര ഡിസംബര്‍ 31 ന് ആണ് സ്ഥലങ്ങള്‍ എല്ലാം കണ്ട് തിരിച്ചെത്തിയത്. അദ്ധ്യാപക വിദ്യാര്‍ത്ഥികള്‍ എല്ലാവര്‍ക്കും ഈ ഒരു യാത്ര നല്ല ഒരു അനുഭവം ആയിരുന്നു. 

ക്രിസ്തുമസ് ആഘോഷിച്ചു

ഉണ്ണിയേശു ഭൂമിയില്‍ അവതരിച്ചതിന്റെ സ്‌മരണ പുതുക്കി Mar Osthatheos ITE യിൽ ക്രിസ്തുമസ് വളരെ വിപുലമായി ആഘോഷിച്ചു. പുല്‍ത്തൊഴുത്തില്‍ പിറന്ന ഉണ്ണി യേശുവിനെ ഓര്‍ത്ത് പുൽക്കൂടുകളും നക്ഷത്രങ്ങളും സ്ഥാപനത്തിൽ ഒരുക്കിയിരുന്നു. രാവിലെ 10 മണിക്ക് പ്രാർത്ഥനയോടെ തുടങ്ങിയ ക്രിസ്മസ് ആഘോഷ ചടങ്ങിൽ പ്രിൻസിപ്പൽ സൗമിനി മോഹൻ അധ്യക്ഷത വഹിച്ചു. മാനേജർ അഡ്വ. ചാക്കോ ജോർജ് പനക്കൽ ചടങ്ങ് ഉദ്ഘാടനം ചെയ്തു. ബഹുമാനപ്പെട്ട Rev. Fr. V. M. സാമൂവേൽ ക്രിസ്തുമസ് സന്ദേശം നൽകി. തുടർന്ന് കരോൾ ഗാനങ്ങളും, ക്രിസ്തുമസ് ഗാനങ്ങളും ചടങ്ങിന് മോടി കൂട്ടി. തുടർന്ന് ഭക്ഷണശേഷം കലാപരിപാടികൾ, വാദ്യാഘോഷങ്ങൾ എന്നിവയ്ക്ക് ശേഷം 5.30PM ന് ഈ വർഷത്തെ ക്രിസ്തുമസ് ആഘോഷങ്ങൾക്ക് വിടപറഞ്ഞ് മനസ്സില്ലാ മനസ്സോടെയാണെങ്കിലും അധ്യാപക വിദ്യാർത്ഥികൾ വീടുകളിലേക്ക് പോയി

ദേശീയ ഗണിത ദിനം ആഘോഷിച്ചു

ഇന്ത്യന്‍ ഗണിത ശാസ്ത്രജ്ഞന്‍ ശ്രീനിവാസ രാമാനുജന്റെ ജന്മദിനമായ ഇന്ന് (ഡിസംബര്‍ 22) Mar Osthatheos ITE ഡിഎൽഎഡ് 2022-2024 ബാച്ചിന്റെ ആഭിമുഖ്യത്തിൽ വിപുലമായ പരിപാടികളോടെ ദേശീയ ഗണിത ദിനമായി ആചരിച്ചു. ബഹുമാനപ്പെട്ട കോളേജ് പ്രിൻസിപ്പൽ സൗമിനി മോഹൻ അദ്ധ്യക്ഷത വഹിച്ച ചടങ്ങിൽ കോളേജിലെ അദ്ധ്യാപകരും അനദ്ധ്യാപകരും വിദ്യാർത്ഥികളും പങ്കെടുത്തു. രാവിലെ ഒമ്പതരയ്ക്ക് ഗണിത ദിനാഘോഷങ്ങൾ കോളേജ് ഓഡിറ്റോറിയത്തിൽ വച്ച് പ്രാർത്ഥന ഗാനത്തോടു കൂടി ദിനാഘോഷം ആരംഭിച്ചു. അധ്യാപക വിദ്യാർത്ഥി ജീവൻ സ്വാഗതം ആശംസിച്ചു. തുടർന്ന് പ്രിൻസിപ്പൽ സൗമിനി മോഹൻ അധ്യാപക വിദ്യാർത്ഥികൾ നിർമ്മിച്ച ഗണിത മാഗസിൻ പ്രകാശനം ചെയ്തു. അതിനുശേഷം ഗണിത ക്വിസ്, ഗണിത കളികൾ, പസിലുകൾ, ചാർട്ട് സ്ലൈഡ് അവതരണങ്ങൾ, പഠനബോധന ഉപകരണ നിർമ്മാണ മത്സരങ്ങൾ എന്നിവ നടന്നു. ചടങ്ങുകളുടെ പരിസമാപ്തി കുറിച്ചുകൊണ്ട് അധ്യാപക വിദ്യാർത്ഥി ധനീഷ് ഏവർക്കും നന്ദി പ്രകാശിപ്പിച്ചു. 12.20 PM ഓടെ ആഘോഷങ്ങൾക്ക് പരിസമാപ്തി കുറിച്ചു.

ഫ്രഷേഴ്‌സ് ഡേ ആഘോഷിച്ചു

ഡി. എൽ. എഡ്. 2022- 2024 അധ്യാപക വിദ്യാർത്ഥികളുടെ ഫ്രഷേഴ്‌സ് ഡേ ഇന്ന് (02 ഡിസംബർ 2022) ന് വിവിധ കലാപരിപാടികളോടെ ആഘോഷിച്ചു. രാവിലെ 9.30 ന് തുടങ്ങിയ ആഘോഷത്തിൽ അധ്യാപക പരിശീലകനായ നിവേദ് എല്ലാവർക്കും സ്വാഗതം പറഞ്ഞുകൊണ്ട് പരിപാടിക്ക് തുടക്കം കുറിച്ചു. സ്ഥാപനത്തിൻ്റെ പ്രിൻസിപ്പൽ ആയ സൗമിനി മോഹൻ അധ്യക്ഷ പ്രസംഗം നടത്തി. തുടർന്ന് അധ്യാപക പരിശീലകയായ സൗമ്യ ആശംസ പ്രസംഗവും അധ്യാപക വിദ്യാർത്ഥിയായ ധനീഷ് നന്ദിയും പറഞ്ഞു. അതിനുശേഷം വിവിധ കലാപരിപാടികൾ, ആഘോഷങ്ങൾ എന്നിവ ഉണ്ടായി. 

ലോക എയ്ഡ്സ് ദിനം ആചരിച്ചു

ലോക എയ്ഡ്സ് ദിനം 2022 ഡിസംബർ 01 ന് ആചരിച്ചു. D.El.Ed. 2022-24 ബാച്ചിലെ അധ്യാപക വിദ്യാർത്ഥികൾ ആണ് ദിനാചരണം സംഘടിപ്പിച്ചത്. എയ്ഡ്സ് എന്ന രോഗത്തെ കുറിച്ചും, അതിൻ്റെ സ്വഭാവത്തെ കുറിച്ചും, എയ്ഡ്സ് പകരുന്ന വിവിധ വഴികളെ കുറിച്ചും പ്രസംഗങ്ങളും ചർച്ചയും നടന്നു. സമൂഹത്തിൽ നിന്നും നിലനിൽക്കുന്ന എയ്ഡ്സ് രോഗികളോട് ഉള്ള തെറ്റായ മനോഭാവത്തെ കുറിച്ചും അവ തുടച്ചുനീക്കുന്നതിൽ അധ്യാപകർ വഹിക്കേണ്ട പങ്കിനെ കുറിച്ചും ഉള്ള ചൂടേറിയ ചർച്ചകൾക്ക് സാക്ഷ്യം കുറിച്ചു. ദിനാചരണത്തടനുബന്ധിച്ച് പോസ്റ്റർ പ്രദർശനവും, സ്ലൈഡ് പ്രദർശനങ്ങളും, ചർച്ചകളും, ക്വിസ് മത്സരങ്ങളും, ഉണ്ടായി. ദിനാചരണത്തിൽ എല്ലാ അധ്യാപകരും പങ്കെടുത്തു. 

സാമൂഹിക തിന്മകൾക്കെതിരായുള്ള സെമിനാറിൽ പങ്കെടുത്തു

സാമൂഹിക തിന്മകൾക്കെതിരായുള്ള സെമിനാറിൽ പങ്കെടുത്തു. ലഹരിയുടെ വഴികളിൽ വീണുപോവാതെ മൂല്യബോധമുള്ള ഒരു യുവതലമുറയെ കെട്ടിപ്പടുക്കുക എന്ന ആശയം മുറുകെ പിടിച്ചു കൊണ്ട് അക്കിക്കാവിൽ നടത്തിയ ഈ സെമിനാർ കുന്നംകുളം എസിപി ടി. എ. സിനോജ് ഉദ്ഘാടനം ചെയ്തു. ലഹരി വിരുദ്ധ പ്രവർത്തനങ്ങളുടെ ഭാഗമായി സംസ്ഥാന സർക്കാർ ആസൂത്രണം ചെയ്തിരിക്കുന്ന രണ്ടുകോടി ഗോളടിക്കുന്ന പരിപാടിയുടെ ഭാഗമായി എ സി പി ഗോൾ അടിച്ചു. 

റിട്ടേർഡ് ഡിവൈഎസ്പി കെ പി സുരേഷ് മുഖ്യപ്രഭാഷണം നടത്തി. പരിപാടിയുടെ ഭാഗമായി വയനാട് മുക്തി ഡിഅഡിക്ഷൻ സെൻറർ അവതരിപ്പിച്ച തെരുവുനാടകം വളരെ അധ്യാപക വിദ്യാർത്ഥികൾക്ക് പുതിയ ഒരു അനുഭവമായിരുന്നു. സ്ഥാപനത്തിലെ അധ്യാപക വിദ്യാർത്ഥികളും അധ്യാപക പരിശീലകരും പങ്കെടുത്തു.

https://youtu.be/QJ6Qkhjqdn4?t=469

ദീനബന്ധു വൃദ്ധ സദനം സന്ദർശിച്ചു

2022-2024 ബാച്ച് ഡി.എൽ.എഡ്. അദ്ധ്യാപക വിദ്യാർത്ഥികൾ ദീനബന്ധു വൃദ്ധസദനം 2022 നവംബർ 18 ന് സന്ദർശനം നടത്തി. 

ശിശുദിനം ആഘോഷിച്ചു

രാജ്യത്തെ ആദ്യ പ്രധാനമന്ത്രി ജവഹർലാൽ നെഹ്റുവിനെ അനുസ്മരിച്ചുകൊണ്ട് ശിശുദിനം വളരെ ഗംഭീരമായി ആഘോഷിച്ചു. D.El.Ed. 2022-24 ബാച്ചിലെ അധ്യാപക വിദ്യാർത്ഥികൾ ആണ് ദിനാചരണം സംഘടിപ്പിച്ചത്. നെഹ്റുവിൻ്റെ വിവിധ വിദ്യാഭ്യാസ ആശയങ്ങളെ കുറിച്ചും പ്രസംഗങ്ങളും ചർച്ചയും നടന്നു. സമൂഹത്തിൽ ഇന്നും നിലനിൽക്കുന്ന പഴയ വിദ്യാഭ്യാസ രീതികളെ കുറിച്ചും അവ തുടച്ചുനീക്കുന്നതിൽ അധ്യാപകർവഹിക്കേണ്ട പങ്കിനെ കുറിച്ചും ഉള്ള ചൂടേറിയ ചർച്ചകൾക്ക് സാക്ഷ്യം കുറിച്ചു. ദിനാചരണത്തടനുബന്ധിച്ച് പോസ്റ്റർ പ്രദർശനവും, സ്ലൈഡ് പ്രദർശനങ്ങളും, ക്വിസ് മത്സരങ്ങളും, ഉണ്ടായി. ദിനാചരണത്തിൽ എല്ലാ അധ്യാപകരും, അധ്യാപക വിദ്യാർത്ഥികളും പങ്കെടുത്തു.

ദേശീയ വിദ്യാഭ്യാസ ദിനം ആചരിച്ചു

ദേശീയ വിദ്യാഭ്യാസ ദിനം 2022 നവംബർ 11 ന് ആചരിച്ചു. D.El.Ed. 2022-24 ബാച്ചിലെ അധ്യാപക വിദ്യാർത്ഥികൾ ആണ് ദിനാചരണം സംഘടിപ്പിച്ചത്. വിദ്യാഭ്യാസത്തിന്റെ പ്രാധാന്യത്തെ കുറിച്ചും, സ്വതന്ത്ര ഇന്ത്യയിലെ ആദ്യത്തെ വിദ്യാഭ്യാസ മന്ത്രിയായിരുന്ന മൗലാന അബുൽകലാം ആസാദ് വിദ്യാഭ്യാസ രംഗത്ത് നൽകിയ നടത്തിയ സംഭാവനകളെ കുറിച്ചും, വിവിധ വിദ്യാഭ്യാസ ആശയങ്ങളെ കുറിച്ചും പ്രസംഗങ്ങളും ചർച്ചയും നടന്നു. സമൂഹത്തിൽ ഇന്നും നിലനിൽക്കുന്ന പഴയ വിദ്യാഭ്യാസ രീതികളെ കുറിച്ചും അവ തുടച്ചുനീക്കുന്നതിൽ അധ്യാപകർവഹിക്കേണ്ട പങ്കിനെ കുറിച്ചും ഉള്ള ചൂടേറിയ ചർച്ചകൾക്ക് സാക്ഷ്യം കുറിച്ചു. ദിനാചരണത്തടനുബന്ധിച്ച് പോസ്റ്റർ പ്രദർശനവും സ്ലൈഡ് പ്രദർശനങ്ങളും ഉണ്ടായി. ദേശീയ വിദ്യാഭ്യാസ നയം 2020, KCF 2022 എന്നിവ ചർച്ച ചെയ്യപ്പെട്ടു. ദിനാചരണത്തിൽ എല്ലാ അധ്യാപകരും, അധ്യാപക വിദ്യാർത്ഥികളും പങ്കെടുത്തു.

ലോക ശാസ്ത്ര ദിനം ആചരിച്ചു

ലോക ശാസ്ത്ര ദിനം 2022 നവംബർ 10 ന് ആചരിച്ചു. D.El.Ed. 2022-24 ബാച്ചിലെ അധ്യാപക വിദ്യാർത്ഥികൾ ആണ് ദിനാചരണം സങ്കടിപ്പിച്ചത്. ശാസ്ത്രത്തെ കുറിച്ചും, അതിൻ്റെ സ്വഭാവത്തെ കുറിച്ചും, വിവിധ ശാസ്ത്ര ശാഖകളെ കുറിച്ചും പ്രസംഗങ്ങളും ചർച്ചയും നടന്നു. സമൂഹത്തിൽ നിന്നും നിലനിൽക്കുന്ന അന്ധവിശ്വാസങ്ങളെയും ദുരാചാരങ്ങളെയും കുറിച്ചും അവ തുടച്ചുനീക്കുന്നതിൽ അധ്യാപകർവഹിക്കേണ്ട പങ്കിനെ കുറിച്ചും ഉള്ള ചൂടേറിയ ചർച്ചകൾക്ക് സാക്ഷ്യം കുറിച്ചു. ദിനാചരണത്തടനുബന്ധിച്ച് പോസ്റ്റർ പ്രദർശനവും സ്ലൈഡ് പ്രദർശനങ്ങളും ഉണ്ടായി. ദിനാചരണത്തിൽ എല്ലാ അധ്യാപകരും പങ്കെടുത്തു.

ക്യാൻസർ ബോധവൽകരണ ദിനം ആചരിച്ചു.

ക്യാൻസർ ബോധവൽകരണ ദിനം 2022 നവംബർ 07 ന് ആചരിച്ചു. D.El.Ed. 2022-24 ബാച്ചിലെ അധ്യാപക വിദ്യാർത്ഥികൾ ആണ് ദിനാചരണം സങ്കടിപ്പിച്ചത്. ക്യാൻസറിനെ കുറിച്ചും, അതിൻ്റെ ഭീകരതയെ കുറിച്ചും, വിവിധ രൂപങ്ങളെ കുറിച്ചും പ്രസംഗങ്ങളും ചർച്ചയും നടന്നു. ദിനാചരണത്തടനുബന്ധിച്ച് രണ്ട് പോസ്റ്റർ പ്രദർശനങ്ങൾ ഉണ്ടായി. ദിനാചരണത്തിൽ എല്ലാ അധ്യാപകരും പങ്കെടുത്തു.

ലോക സുനാമി ബോധവത്ക്കരണ ദിനം ആചരിച്ചു

സുനാമി ബോധവൽകരണ ദിനം നവംബർ 05 2022 ന് ആചരിച്ചു. D.El.Ed. 2022-24 ബാച്ച് ആണ് ദിനാചരണം സംഘടിപ്പിച്ചത്. പ്രാർത്ഥനയോടെ തുടങ്ങിയ ദിനാചരണത്തിൽ സുനാമിയെ കുറിച്ചും അതിൻ്റെ ഭീകരതയെ കുറിച്ചും വിവിധ രൂപങ്ങളെ കുറിച്ചും പ്രഹര ശേഷിയെ കുറിച്ചും പ്രസംഗങ്ങളും ചർച്ചയും നടന്നു. ദിനാചരണത്തടനുബന്ധിച്ച് പോസ്റ്റർ പ്രദർശനം ഉണ്ടായി. ദിനാചരണത്തിൽ എല്ലാ അധ്യാപകരും പങ്കെടുത്തു.

15 Day In-Campus Camp 2022 (Punarjanni)

Study Tour 2021 - 22

Thiruvananthapuram Tour

Independence Day Celebrations 2021

Science Day Celebration 2022

For all future Techies!!!